ენდი მარი ამერიკის ღია პირველობაზე ასპარეზობას განაგრძობს, მან პირველ ეტაპზე ავსტრალიელი ჩოგბურთელი ჯეიმს დაქვორთი 4 სეტიან ბრძოლაში სახლში გაისტუმრა 6:7 (5:7), 6:3, 7:5, 6:3.
მოგეხსენებათ, 14 თვიანი პაუზის შემდეგ, ენდი მარისთვის პირველი მატჩი გახლდათ დიდი სლემის ტურნირზე.
ენდის შემდეგი მეტოქე 34 წლის ესპანელი, მსოფლიო რეიტინგის 32-ე ნომერი ფერნანდო ვერდასკოა, რომელმაც თავის პირველ შეხვედრაში თანამემამულე ფელიციანო ლოპესი მარტივად, 3 სეტში 6:2, 7:5, 6:4 დაამარცხა.
მატჩი დღეს თბილისის დროით 21:30 საათზე, არტურ ეშის სახელობის კორტზე ჩატარდება.