ნიკოლოზ ბასილაშვილის წარუმატებელი სერია გრძელდება.
ქართველი ჩოგბურთელი დღეს ჰამბურგის ღია პირველობაზე ასლან კარაცევთან (37) 2 სეტში - 4:6; 0:6 დამარცხდა და ტურნირს პირველივე წრიდან გამოეთიშა.
მიმდინარე წელს ნიკოლოზი ძალიან ცუდად გამოიყურება. მან ჩატარებული 35 თამაშიდან 23 წააგო. მსგავსად სხვა შეხვედრებისა, ბასილაშვილი ვერც რუსის წინააღმდეგ გამოიყურებოდა კარგად - პირველი ჩაწოდების 49%-იანი მაჩვენებლითა და 5 ორმაგი შეცდომით, ქართველი კარაცევთან 5-ჯერ დაბრეიკდა.
შეგახსენებთ, რომ ჰამბურგის აღნიშნული ტურნირი ნიკოლოზ ბასილაშვილმა კარიერაში ორჯერ, 2018 და 2019 წლებში მოიგო. 30 წლის ქართველი ATP-ის რეიტინგში 28-ე ადგილზეა.