ამჟამად საჩოგბურთო სამყაროს უდიდესი ყურადღება ჩინეთს აქვს მიპყრობილი, ვინაიდან ამ კონკრეტულ მონაკვეთში ყველანაირი პრესტიჟული ტურნირი ჩინეთში ტარდება, შენჟენის ტურნირიც სწორედ ერთ-ერთი მათგანია.
¼-ფინალურ ეტაპზე ერთმანეთს ესპანელი ალბერტ რამოს-ვინოლასი და ფრანგი პიერ ერბერი დაუპირისპირდნენ.
სპეციალისტების აზრით შეხვედრის ფავორიტად ფრანგი ჩოგბურთელი მოიაზრებოდა, თუმცა არც ისე დიდი უპირატესობით.
პირველ სეტში არცერთ ჩოგბურთელს არ დაუკარგავს საკუთარი მოწოდება და შესაბამისად ტაი-ბრეიკი გაიმართა, სადაც საწყის ეტაპზე ერბერი ძალიან კარგად გამოიყურებოდა, 5:1-ს იგებდა, თუმცა საბოლოოდ სეტი ესპანელმა მოიგო ტაი-ბრეიკზე, ანგარიშით 8:6.
მატჩის მიმდინარეობის სურათი არც მეორე სეტში შეცვლილა, ჩოგბურთელებმა ისევ უშეცდომოდ მოიპოვეს საკუთარი მოწოდებები და შეხვედრაში მეორე ტაი-ბრეიკი ჩატარდა, სადაც საწყის ეტაპზე პირველი სეტის მსგავსად უპირატესობა ფრანგმა ჩოგბურთელმა მოიპოვა, რომელმაც ამჯერად უკვე მოახერხა და ანგარიშით - 7:1 მოიგო ტაი-ბრეიკი.
მესამე და გადამწყვეტ სეტში ჩოგბურთელებისგან საკუთარი გეიმების მოპოვება უკვე აღარავის აკვირვებდა, მაგრამ შეხვედრაში პირველი და უკანასკნელი ბრეიკი, რომელიც ანგარიშით 4:5-ზე შედგა ფრანგმა პიერ ერბერმა მოახერხა და ამ გეიმით მატჩიც მოიგო.
შეხვედრის საბოლოო ანგარიში ასეთია: 7:6(6),6:7(1),4:6.
ალექს დე მინორი VS დამირ ძუმჰური
შენჟენის ტურნირის რიგით მეორე 1/4-ფინალურ ეტაპზე ალექს დე მინორი და დამირ ძუმჰური დაუპირისპირდნენ.
სპეციალისტების აზრით ფავორიტად მსოფლიო რეიტინგის მე-40 პოზიციაზე მყოფი ალექს დე მინორი მოიაზრებოდა.
პირველ სეტში ალექს დე მინორმა პირველივე ბრეიკ-პოინტი გამოიყენა და ამ უპირატესობით სეტებში დაწინაურდა.
მეორე სეტში დამირ ძუმჰურმა საკუთარი პირველი ორი მოწოდება დაკარგა და მოწინააღმდეგეს დიდი უპირატესობა მოაპოვებინა, თუმცა შეძლო და წონასწორობა აღადგინა და სეტი ტაი-ბრეიკამდე მივიდა, სადაც ახალგაზრდა ავსტრალიელმა ბოსნიელი მეტოქე დაძაბულ ბრძოლაში დაამარცხა და ნახევარფინალის საგზური მოიპოვა.
შეხვედრის საბოლოო ანგარიში ასეთია: 6:3, 7:6(7).
