ავსტრალიის ღია პირველობის საკვალიფიკაციო ეტაპზე მარიამ ბოლქვაძემ (192) პირველი შეხვედრა გამართა.
ქართველმა ჩოგბურთელმა ინდოელი კარმან კაურ თანდი (626) მძიმე ბრძოლაში, 2 საათსა და 29 წუთში - 7:6; 7:6 დაამარცხა და შემდეგ ეტაპზე გავიდა.
დაპირისპირება ბრეიკების სიმრავლით გამოირჩა. მარიამმა მეტოქის ჩაწოდებაზე 7 გეიმი მოიგო, ამდენჯერვე კი საკუთარ ჩაწოდებაზე წააგო.
ბოლქვაძემ თანდის წინააღმდეგ 2 ეისის შესრულება მოახერხა, თუმცა 13 ორმაგი შეცდომა დაუშვა.
ქართველ ჩოგბურთელს ავსტრალიის ღია პირველობის ძირითად ბადეში მოსახვედრად კიდევ 2 თამაშის მოგება სჭირდება. მარიამი ნახევარფინალში ხვალ რუს მარგარიტა გასპარიანს (125) შეხვდება.
