საქართველოს პირველი და მსოფლიო რეიტინგის 23-ე ნომერი ნიკოლოზ ბასილაშვილი შანხაის ტურნირიდან გამოვარდა. მისი მეტოქე მსოფლიო რეიტინგის მე-5 ნომერი, 21 წლის ალექსანდრ ზვერევი გახლდათ.
ნიკას პირველ სეტში ანგარიშით 4:3-ზე მეტოქის გეიმზე 2 ბრეიკ-პოინტი (ე.წ. ფარული სეტ-პოინტი) ჰქონდა 15:40, თუმცა ვერ გამოიყენა და საბოლოოდ პირველი სეტი ანგარიშით - 5:7 დათმო.
რაც შეეხება მეორე სეტს, ქართველმა რიგით მეორე საკუთარი მოწოდება წააგო, რაც გადამწყვეტი გამოდგა, ვინაიდან შეხვედრაში მეტი ბრეიკი აღარ ყოფილა.
შეგახსენებთ, ნიკოლოზს 6-მატჩიანი წაუგებელი სერია ჰქონდა, მან გასულ კვირას ჩინეთის ღია პირველობის 500 ქულიანი ტურნირი მოიგო.