ნიკოლოზ ბასილაშვილი რომში გასამართი ტურნირისთვის ემზადება.
საუკეთესო ქართველმა ჩოგბურთელმა დღეს იტალიის დედაქალაქში ლეგენდარულ რაფაელ ნადალთან ერთად ივარჯიშა. ნიკოლოზმა ამის შესახებ ვიდეო სოციალურ ქსელში გამოაქვეყნა.
"შესანიშნავი ვარჯიში დღეს," - წერს 29 წლის ქართველი.
როგორც იცით, ბასილაშვილი რომის მასტერსის პირველ ეტაპზე მატეო ბერეტინის (9) დაუპირისპირდება. იტალიელი ჩოგბურთელი შესანიშნავ ფორმაშია - მან ჯერ ბელგრადის 250-იანი ტურნირი მოიგო, მადრიდის მასტერსზე კი ბერეტინი ფინალში გავიდა და დაძაბულ ბრძოლაში, ალექსანდრ ზვერევთან დამარცხდა.
