მეცის ტურნირის მეოთხედფინალში ნიკოლოზ ბასილაშვილი დღეს ჟო-ვილფრიდ ცონგას დაუპირისპირდა და დამარცხდა.
ქართველმა ჩოგბურთელმა პირველი სეტის მოგება (7:5) მოახერხა, თუმცა დარჩენილ 2 სეტში დამაჯერებლად ვეღარ გამოიყურებოდა.
ნიკოლოზმა მე-2 სეტი 3:6 დათმო. გადამწყვეტ სეტში ბასილაშვილი ორჯერ დაბრეიკდა, რის შემდეგაც მხარი ატკივდა და თამაშის გაგრძელება ვეღარ მოახერხა.
ცნობილია, რომ საუკეთესო ქართველი ჩოგბურთელს ბოლო პერიოდში მხარი ხშირად აწუხებს და ოპერაციის გაკეთებას გეგმავს.