მსოფლიოს ყოფილმა მეხუთე ჩოგანმა ეჟენი ბუშარმა ბოლო 9 თვეში პირველი გამარჯვება მოიპოვა.
ჰიუსტონში მიმდინარე ITF-ის ტურნირზე, კანადელმა ჩოგბურთელმა ვალენტინი გრამატიკოპულო ორ სეტში 7:6, 6:4 დაამარცხა.
აქამდე, 25 წლის სპორტსმენს ზედიზედ 13 მარცხი ჰქონდა. მოუგებელი სერია მიმდინარე წლის თებერვალში დაიწყო, როცა დუბაიში გამართული ტურნირის 1/16-ფინალში რუმინელ სიმონა ჰალეპთან დამარცხდა.
აშშ-ში მიმდინარე პირველობაზე, ბუშარის შემდეგი მეტოქე ამერიკელი ფრანცესკა დი ლორენცო იქნება, გამარჯვებული მერვედფინალის საგზურს მოიპოვებს.
ამჟამად WTA-ს რეიტინგში ბუშარი 220-ე ადგილზეა. ცოტა ხნის წინ, მან თქვა, რომ წაგებით დაიღალა და საკუთარ თავზე უფრო მეტ მუშაობას აპირებს.