ევროპის ღია პირველობა ჰამბურგში - ბასილაშვილი ტურნირში მე-2 რაუნდიდან ჩაერთვება
12 ივლისს ჰამბურგში ATP-ის 500-იანი სერიის ტურნირი - ევროპის ღია პირველობა დაიწყება. მსოფლიოს 29-ე ჩოგანი, ნიკოლოზ ბასილაშვილი, რომელიც ჰამბურგის ღია პირველობის 2-გზის გამარჯვებულია, ტურნირში მეორე რაუნდიდან ჩაერთვება. ქართველი ჩოგბურთელის პირველი მეტოქე ორშაბათს, 12 ივლისს, ალიაჟ ბედენესა და კორანტენ მუტეს დაპირისპირებაში გაირკვევა. ნიკოლოზი ტურნირში მე-3 ნომრადაა განთესილი და მასზე წინ მხოლოდ სტეფანოს ციციპასი და პაბლო კარენო ბუსტა არიან. ევროპის ღია პირველობის საპრიზო ფონდი წელს 1,030,900 ევროა, რაც შარშანდელთან შედარებით 3%-ით ნაკლებია. ტურნირის მოქმედი ჩემპიონი ანდრეი რუბლიოვია, რომელმაც გასულ წელს ფინალში სტეფანოს ციციპასი დაამარცხა.
Our #ATP main draw is out! What do you think about the upcoming matches? 🤔🎾@atptour | @DTB_Tennis | #hamburgopen pic.twitter.com/HHgTKZ9hbF — Hamburg European Open 〽️ (@hamburgopen) July 10, 2021