ცნობილი იაპონელი ჩოგბურთელი კეი ნიშიკორი კორონავირუსით დაავადდა და ნიუ იორკის მასტერსსა და აშშ-ს ღია პირველობაზე ვერ ვიხილავთ. ჩოგბურთელმა სამწუხარო ინფორმაცია სოციალურ ქსელში გაავრცელა.
30 წლის ნიშიკორი მოახლოებული ტურნირებისთვის ფლორიდაში ნიკ ბოლეტიერის აკადემიაში ემზადებოდა და კონტაქტი არაერთ კოლეგასთან ჰქონდა. ამდენად, გამორიცხული არაა, უახლოეს დღეებში COVID 19 სხვა ჩოგბურთელებსაც აღმოაჩნდეთ.