კიმ კლაისტერსი 36 წლის ასაკში პროფესიონალურ ჩოგბურთს უბრუნდება

მსოფლიოს ყოფილი პირველი ნომერი კიმ კლაისტერსი პროფესიონალური ჩოგბურთიდან 2012 წლის ამერიკის ღია პირველობის შემდეგ წავიდა. კიმ კლაისტერსი უძლიერეს ქალ ჩოგბურთელად მიიჩნეოდა, ის 23 წლის ასაკში გათხოვდა, რის გამოც 2007 წელს ჩოგბურთის თამაში შეწყვიტა, თუმცა როცა დაბრუნდა, საკმაოდ წარმატებულად იასპარეზა და პრესტიჟი უმალვე აღიდგინა. კლაისტერსს კარიერის განმავლობაში 24 442 340 დოლარი აქვს გამომუშავებული, ის 3-გზის ამერიკის ღია პირველობის გამარჯვებულია (2005, 2009, 2010) და ასევე დიდი სლემის ტიტულს ავსტრალიაშიც დაეუფლა 2011 წელს. გავრცელებული ინფორმაციის თანახმად ბელგიელი ჩოგბურთელი პროფესიონალურ ჩოგბურთში 36 წლის ასაკში გეგმავს დაბრუნებას. ამის შესახებ ინფორმაცია მან საკუთარ სოციალურ ქსელში გამოაქვეყნა.

Hi guys, I’m excited to finally be able to share this news with you… #wta #2020 pic.twitter.com/tm7jYMEwrH — Kim Clijsters (@Clijsterskim) September 12, 2019