კირგიოსი: "მწვრთნელის დაქირავება გადაყრილ ფულს ნიშნავს"

"პირადად მე ვფიქრობ, რომ მწვრთნელის დაქირავება ფუჭად გადაყრილი ფულია, რადგან ისინი ზედმეტად ბევრ ანაზღაურებას იღებენ. კარიერის იმ ეტაპზე, რომელზედაც ახლა მე ვარ, ვფიქრობ, რომ მწვრთნელი საჭირო არ არის, რადგან ჩემეული ხედვები მაქვს და რჩევები არ მჭირდება," - განაცხადა კირგიოსმა.

"დიდ სლემზე ჩემპიონობის მიზანი არ მაქვს. ვცდილობ ისე ვითამაშო, როგორც მე მინდა და ამით გავერთო. არ მგონია, რომ ჩემი ორგანიზმი ზედიზედ 7 ისეთ თამაშს გაუძლებს, რომლებშიც პოტენციურად კორტზე 3-4 საათი უნდა გავატარო. შესაბამისად, მწვრთნელის დაქირავება ჩემთვის აზრსმოკლებულია," - ამბობს კირგიოსი.