მსოფლიოს 35-ე ჩოგანი, ნიკოლოზ ბასილაშვილი მეცის ტურნირზე (Moselle Open) ასპარეზობას იტალიელ (66) ჯანლუკა მაგერთან დაპირისპირებით იწყებს. ნიკოლოზი მეტოქეს კარიერაში პირველად შეხვდება.
მოგების შემთხვევაში, ქართველი ჩოგბურთელის მომდევნო მოწინააღმდეგე რეიტინგის 44-ე ნომერი, ალეხანდრო დავიდოვიჩ-ფოკინა ან ჟილ სიმონი (100) იქნება.
ბასილაშვილი პირველ მატჩს ორშაბათს, 20 სექტემბერს, გამართავს, შეხვედრა 21:30 საათზეა ჩანიშნული.
მეცის ტურნირის მოქმედი ჩემპიონი ჟო-ვილფრიდ ცონგაა - ფრანგმა 2019 წელს ფინალში ალიაჟ ბედენეს მოუგო.
