რაფაელ ნადალი 4-დან 6 კვირამდე გამოტოვებს

რაფაელ ნადალი ბრწინვალე სეზონს ატარებს, ესპანელმა მატადორმა 2022 წელს ზედიზედ 20 შეხვედრა მოიგო – მოგებულ ტურნირებს შორის, დიდი სლემის გათამაშებაცაა – ავსტრალიის ღია პირველობა.

გასულ კვირაში რაფამ მასტერსის ტიპის ტურნირზე – ინდიან უელსზე იასპარეზა, სადაც საფინალო რაუნდში ტეილორ ფრიცის წინააღმდეგ დამარცხდა, რომელიც როგორც ზემოთაღნიშნულიდან გამომდინარეობს, მისთვის წელს პირველი მარცხი გახლდათ.

ჩოგბურთის მოყვარულებმა რაფას გამოსვლების დროს მისი პრობლემები შენიშნეს – ესპანელ მატადორს ნახევარფინალური შეხვედრიდან მოყოლებული, ფინალის ჩათვლით ფიზიკური პრობლემები აწუხებდა, რის გამოც მატჩების მიმდინარეობის დროს, სამედიცინო დახმარებაც არაერთხელ მოითხოვა.

როგორც აღმოჩნდა ლეგენდარულ ჩოგბურთელს ნეკნი აქვს გაბზარული, რის გამოც ის 4-დან 6 კვირამდე იუქმებს. შესაბამისად, მაიამის მასტერსი რაფას გარეშე ჩაივლის.

რაფაელ ნადალი 4-დან 6 კვირამდე გამოტოვებს

სტატიის ავტორი
-