რაფალ ნადალმა პირველი ჩოგნის სტატუსი მერვედ მოიპოვა

351
ნახვა

რაფაელ ნადალი კვლავ საჩოგბურთო რეიტინგის სათავეშია! ესპანელი მატადორი ისტორიაში ასაკით მეორე ჩოგბურთელია (33 წლის), რომელმაც რეიტინგში პირველობის მოპოვება შეძლო. ამ კომპონენტში, პირველ ადგილს როჯერ ფედერერი იკავებს, რომელმაც პირველობა 36 წლის ასაკში დაუბრუნა.

ნადალი საჩოგბურთო რეიტინგის სათავეში აქამდე 7-ჯერ მოექცა:

  • 7 ივნისი, 2010 – 3 ივლისი, 2011
  • 7 ოქტომბერი, 2013 – 6 ივლისი, 2014
  • 21 აგვისტო, 2017 – 18 თებერვალი, 2018
  • 2 აპრილი, 2018 – 13 მაისი, 2018
  • 21 მაისი, 2018 – 17 ივნისი, 2018
  • 25 ივნისი, 2018 – 4 ნოემბერი, 2018
  • 4 ნოემბერი, 2019 – დღემდე

“ჩემთვის ეს წელი საკმაოდ რთულად დაიწყო, თუმცა შევძელი მეპოვა ის გზა, რომელიც უმაღლესი დონის ჩოგბურთის თამაშის შესაძლებლობას მომცემდა. ძალიან ვამაყობ განვლილი წლით, უბედნიერესი ვარ,” განაცხადა ნადალმა.


ნადალის მორიგ მიღწევას ATP Tour-მა ვიდეო მიუძღვნა

video

ნადალის წარმატებული სეზონი

33 წლის ჩოგბურთელმა გასული სეზონი ტრავმის გამო ნაადრევად დაასრულა, თუმცა 2019 წელს, მან 2 დიდი სლემის ტურნირის მოგება შეძლო, მოიგო 51 შეხვედრა, 6-ჯერ კი დამარცხდა.

საერთო ჯამში, ნადალმა წელს 4 ტიტული მოიგო: რომის მასტერსი (მოიგო მეცხრედ), მონრეალის მასტერსი (35), როლან გაროსი (12) და ამერიკის ღია პირველობა (4).

რისი მიღწევა შეუძლია ნადალს 2020 წელს?

რაფაელ ნადალი ავსტრალიის ღია პირველობაზე ფავორიტად მიჩნეული არ არის – მთავარი ფავორიტი 2019 წლის გამარჯვებული, ნოვაკ ჯოკოვიჩია, რომელმაც ფინალში ნადალი 3 სეტში, ანგარიშით 6:3, 6:2, 6:3 დაამარცხა.

ესპანელის მთავარი მიზანი ძალების სწორი გადანაწილება იქნება, რათა სეზონის მთავარ მომენტებს ფორმის პიკზე შეხვდეს – სწორედ ეს გახდა ნადალის წლევანდელი წარმატების ერთ-ერთი მთავარი მიზეზი.

დანილ მედვედევმა, საკუთარი ნიჭის წყალობით, ესპანელს ამერიკის ღია პირველობის ფინალში დიდი პრობლემები შეუქმნა, თუმცა საერთო ჯამში, გადამწყვეტ მომენტებში მაინც მატადორის კლასმა იმარჯვა.

მედვედევი, ისევე როგორც სხვა ახალი თაობის ნიჭიერი წარმომადგენლები, 2020 წელს ნადალისთვის უხერხული მეტოქეები იქნებიან, თუმცა სავარაუდოდ, “თიხნარის მეფედ” წოდებული ესპანელი რონალ გაროსზე კვლავ უპირობო ფავორიტი იქნება.


საჩოგბურთო რეიტინგის ლიდერები ყველაზე ხანგრძლივი პერიოდის განმავლობაში

  • როჯერ ფედერერი – 310 კვირა
  • პიტ სამპრასი – 286 კვირა
  • ნოვაკ ჯოკოვიჩი – 275 კვირა
  • ივან ლენდლი – 270 კვირა
  • ჯიმი კონორსი – 268 კვირა
  • რაფაელ ნადალი – 197 (მიმდინარე)
  • ჯონ მაკინროი – 170 კვირა
  • ბიორნ ბორგი – 109 კვირა
  • ანდრე აგასი – 101 კვირა


იხილეთ განახლებული საჩოგბურთო რეიტინგი

ადგილიმოთამაშექულა
1რ. ნადალი9585
2ნ. ჯოკოვიჩი8945
3რ. ფედერერი6190
4დ. მედვედევი5705
5დ. ტიმი5025
6ს. ციციპასი4000
7ა. ზვერევი2945
8მ. ბერეტინი2670
9რ. ბაუტისტა-აგუტი2540
10გ. მონფილსი2530
11დ. გოფინი2335
12ფ. ფონინი2290
13კ. ნიშიკორი2180
14დ. შვარცმანი2125
15დ. შაპოვალოვი2050
16ს. ვავრინკა2000
17კ. ხაჩანოვი1840
18ა. დე მინაური1775
19ჯ. ისნერი1770
20გ. დიმიტროვი1747
26ნ. ბასილაშვილი1450

 

(351)

რაფალ ნადალმა პირველი ჩოგნის სტატუსი მერვედ მოიპოვა

სტატიის ავტორი
-