როლან გაროსი: ნახევარფინალური წყვილები ცნობილია!

208
ნახვა

დღეს როლან გაროსის დარჩენილი 1/4-ფინალური თამაშები გაიმართა.

საფეანგეთის ღია პირველობის მორიგმა დღემ სენსაციების გარეშე ჩაიარა.

მსოფლიოს ნომერმა პირველმა ჩოგანმა, ნოვაკ ჯოკოვიჩმა მარტივად დაამარცხა გერმანელი, ალექსანდრ ზვერევი (5) – 7:5; 6:2; 6:2.

პირველ სეტის მე-9 გეიმში ზვერევმა უმნიშვნელოვანესი ბრეიკი შეასრულა და წინ გავიდა (5:4). თუმცა, ჯოკოვიჩმა, ზედიზედ 3 გეიმის მოგება მოახერხა და გერმანელს შანსი აღარ დაუტოვა – 7:5.

როგორც ჩანს, დასანანი წაგების შემდეგ, ზვერევმა თამაშზე კონცენტრირება ვეღარ მოახდინა და დარჩენილი სეტები ერთი ანგარიშით დათმო – 2:6; 2:6.

ნოვაკ ჯოკოვიჩი, რომელიც საოცარ ფორმაშია, მიმდინარე საფრანგეთის ღია პირველობაზე სეტის წაგების გარეშე ასპარეზობს.

რაც შეეხება მე-2 1/4-ფინალურ წყვილს, დომენიკ ტიმმა (4) ასევე მარტივად მოუგო მე-11 ჩოგანს, კარენ ხაჩანოვს – 6:2; 6:4; 6:2.

დაპირისპირება საათსა და 50 წუთს გაგრძელდა და ტიმის სრული დომინირებით გაიმართა. დომენიკმა მეტოქეს 5 ბრეიკი შეუსრულა, ხაჩანოვს კი ამის ერთი შანსიც არ ჰქონია.

უნდა ითქვამს, რომ ტიმისთვის კარენი უხერხული მეტოქე იყო. ავსტრიელ ჩოგბურთელს თავის დღევანდელ მეტოქესთან კარიერაში მოგება არ ჰქონდა – 0 მოგება, 3 მარცხი.

ნახევარფინალში ერთმანეთს სწორედ ნოვაკ ჯოკოვიჩი და დომენიკ ტიმი დაუპირისპირდებიან. მე-2 ნახევარფინალურ წყვილს რაფაელ ნადალი (2) და როჯერ ფედერერი (3) წარმოადგენენ.

(208)

როლან გაროსი: ნახევარფინალური წყვილები ცნობილია!

სტატიის ავტორი
-