ავსტრიის დედაქალაქ ვენაში მიმდინარე 500-იანთა ტურნირის მეოთხედფინალში წლის სენსაცია დაფიქსირდა - მსოფლიოს პირველი ჩოგანი ნოვაკ ჯოკოვიჩი ლორენცო სონეგოსთან 2 სეტში - 2:6; 1:6 დამარცხდა.
იტალიელმა ჩოგბურთელმა, რომელიც რეიტინგის 42-ე ნომერია, უძლიერესი მეტოქის წინააღმდეგ ბრწყინვალე შეხვედრა ჩაატარა.
რაც შეეხება ნოვაკს, ის სონეგოს წინააღმდეგ საშინლად გამოიყურებოდა - 33 წლის ჩოგბურთელმა მხოლოდ 7 ვინერსი მიითვალა და 25 უნებლიე შეცდომა დაუშვა.
სონეგო ვენის ტურნირის ნახევარფინალში გრიგორ დიმიტროვსა და დანიელ ევანსს შორის გამარჯვებულს დაუპირისპირდება.
