მსოფლიოს ანტიდოპინგური სააგენტოს (WADA) გადაწყვეტილებით, რუსეთი ოთხი წლის განმავლობაში მონაწილეობას ვერ მიიღებს ვერც ოლიმპიურ თამაშებსა და ვერც მსოფლიო ჩემპიონატებში.
რუსეთის დასჯის მიზეზი დოპინგის მოხმარების გახმაურებული ფაქტი გახდა – ცნობილია, რომ რუსებმა ანტისადოპინგო ლაბორატორიის მონაცემები გააყალბეს.
აღნიშნულ ფაქტს რუსეთის ჩოგბურთელთა ნაკრების ყოფილი წევრი, წარმოშობით ქართველი, ანა ჩაკვეტაძე სოციალურ ქსელში გამოეხმაურა: "ეს ჩავარდნაა."
ინფორმაციისთვის გეტყვით, რომ ჩაკვეტაძის პროფესიონალური კარიერა 2003 წელს დაიწყო, 2013-ში კი ზურგის ქრონიკული ტრავმის გამო დასრულდა. ანამ საუკეთესო შედეგი 2007 წელს დააფიქსირა, როცა ის მსოფლიოს მე-5 ჩოგანი იყო.