"უიმბლდონზე გამარჯვებები უკრაინის დასახმარებლად მჭირდება" | ანჰელინა კალინინას მოტივაცია
1 წლის წინ
ჩოგბურთი
2 წთ
"ამ ფონზე, ძალიან რთულია თამაშზე ვიყო ფოკუსირებული. მეორე მხრივ, შედეგს ძალიან დიდი მნიშვნელობა აქვს. თითოეული გამარჯვებით, არამარტო ჩემს ოჯახს, არამედ სხვა უკრაინელ ადამიანებს ვეხმარები. "ტურნირზე წინსვლა მეტი ფულის გამომუშავებას ნიშნავს. ეს კი ჩემთვის არის საშუალება, რომ დახმარების ხელი რაც შეიძლება მეტ ადამიანს გავუწოდო. მე არ ვარ სუპერვარსკვლავი, თუმცა უზარმაზარი მოტივაცია მაქვს", - თქვა მსოფლიოს 35-ე ჩოგანმა.კალინინას შემდეგი მეტოქე მისი თანამემამულე, ლესია ცურენკო იქნება. მათი სურვილია, ხალხს გააგებინონ, რომ უკრაინა კვლავ ომშია გახვეული. 33 წლის ცურენკოს თქმით, ბომბი მისი სახლიდან 100 მეტრის მოშორებით ჩამოვარდა. "მას შემდეგ, ფსიქოლოგთან რეგულარულ სეანსებზე დავდივარ, რომ როგორმე ამ ტრავმებს გავუმკლავდე. არ ვიცი, როგორ ავირიდო თავიდან ეს ემოციები - ომის დასრულებამდე, ეს შეუძლებელი იქნება", - აღნიშნა ცურენკომ.
რუსეთი უკრაინის ტერიტორიაზე 24 თებერვალს შეიჭრა. მას შემდეგ, რუსულმა ოკუპაციამ ათასობით ჯარისკაცისა და უდანაშაულო ადამიანის სიცოცხლე იმსხვერპლა. ცნობილია, რომ მინიმუმ 12 მილიონ ადამიანს საცხოვრებელი ადგილის დატოვება მოუწია.