ამერიკის ღია პირველობის მერვედფინალურ ეტაპზე ერთმანეთს დაუპირისპირდნენ მსოფლიო რეიტინგის მე-11 ნომერი ჯონ ისნერი და 24-ე ნომერი მილოშ რაინიჩი.
როგორც მოსალოდნელი იყო, მატჩი საკმაოდ დაძაბული აღმოჩნდა. 5-სეტიანი ბრძოლის გამარჯვებული ჯონ ისნერი გამოდგა - 3:6, 6:3, 6:4, 3:6, 6:2.
ხუან-მარტინ დელ პოტრო - ბორნა ჩორიჩი
ამერიკის ღია პირველობაზე მერვედფინალურ ეტაპზე, საკუთარი მეოთხე გამარჯვება არგენტინელმა, მსოფლიო რეიტინგის მე-3 ნომერმა ხუან-მარტინ დელ პოტრომაც მოიპოვა. მისი მეტოქე ახალგაზრდა ხორვატი ბორნა ჩორიჩი გახლდათ.
დელ პოტრომ, რომელსაც ამ ტურნირის განმავლობაში არცერთი სეტი არ წაუგია, არც ამჯერად გატეხა ნავსი და 3 სეტში ანგარიშით - 6:4, 6:3, 6:1 მარტივად სძლია მეტოქეს და ამერიკის ღია პირველობას მომავალ წლამდე გამოასალმა.
არგენტინელი ჩოგბურთელის მეტოქე მეოთხედფინალურ ეტაპზე ამერიკის ღია პირველობაზე, ადგილობრივი ჯონ ისნერი იქნება.
მატჩი ჯონ ისნერსა და ხუან-მარტინ დელ პოტროს შორის 4 სექტემბერს 19:00 საათზეა დაგეგმილი.