ამერიკის ღია პირველობის მერვედფინალური შეხვედრა ჩაატარა მსოფლიო რეიტინგის ყოფილმა ლიდერმა და ამჟამინდელმა 26-ე ნომერმა სერენა უილიამსმა. მისი მეტოქე პირველი ტურის სენსაციის ავტორი კაია კანეპი გახლდათ (პირველ რაუნდში სიმონა ჰალეპი გამოთიშა ასპარეზობას), მატჩი სერენას გამარჯვებით დასრულდა. ესტონელმა სერენასთანაც საკმაოდ კარგად გაიბრძოლა, მოახერხა 1 სეტის მოგება, თუმცა გადამწყვეტ სეტში უილიამსმა დასაწყისიდანვე მოიპოვა უპირატესობა. საბოლოოდ მატჩი საათსა და 39 წუთში 3 სეტში ანგარიშით - 6:0, 4:6, 6:3 სერენას გამარჯვებით დასრულდა.
სერენა უილიამსის შემდეგი მეტოქე მსოფლიო რეიტინგის მე-8 ნომერი კარი პლისკოვა იქნება, მატჩი 4 სექტემბერს გაიმართება.
სლოან სტივენსი - ელის მერტენსი
მერვედფინალური ეტაპის შეხვედრა ჩაატარა ამერიკის ღია პირველობის მოქმედმა ჩემპიონმა სლოან სტივენსმა, მსოფლიო რეიტინგის მე-3 ნომრის მეტოქე ელის მერტენსი იყო.
ამერიკელმა ჩოგბურთელმა მეტოქეს არანაირი საშუალება არ მისცა შეხვედრის მოსაგებად და საბოლოოდ მატჩი 2 სეტში ანგარიშით 6:3, 6:3 სლოან სტივენსის გამარჯვებით დასრულდა.
სლოან სტივენსის მეტოქე მეოთხედფინალურ რაუნდში მსოფლიო რეიტინგის მე-18 ჩოგანი ანასტასია სევასტოვა იქნება, მატჩი 4 სექტემბერს ჩატარდება.
