ლეგენდარულმა ჩეხმა გოლკიპერმა, პეტერ ჩეხმა, ლონდონის "ჩელსის" მაისური კიდევ ერთხელ მოირგო და 565 დღის შემდეგ, პირველი საფეხბურთო მატჩი ჩაატარა.
ეს ფაქტი, პრემიერ ლიგა 2-ში მოხდა, სადაც "ჩელსის" U23 შემადგენლობა თანაქალაქელ "ტოტენჰემს" დაუპირისპირდა და 3:2 იმარჯვა. აღსანიშნავია, რომ 38 წლის ჩეხმა 2 გოლი საწყის 17 წუთში გაუშვა, თუმცა, მისმა თანაგუნდელებმა თამაშში გარდატეხა შეიტანეს, 3 ქულა აიღეს და სატურნირო ცხრილში პირველ ადგილზე გადაინაცვლეს.