მარტინესი: ,,ამბობენ, რომ ევროპის ჩემპიონატი საუკეთესოა, რაც გასაკვირია, რადგან საუკეთესო ფეხბურთელები სამხრეთ ამერიკიდან არიან”

არგენტინის ეროვნული ნაკრების მეკარე, ემილიანო მარტინესი ,,საერთაშორისო სუპერთასის” ჩატარების იდეას გამოეხმაურა, რომელშიც ერთმანეთს კოპა ამერიკისა და ევროპის ჩემპიონატის გამარჯვებულები უნდა შეხვდნენ:

,,ამ მატჩის ჩატარებას ვისურვებდი: ევროპის ჩემპიონი სამხრეთ ამერიკის ჩემპიონის წინააღმდეგ – ეს დაუჯერებელი იქნებოდა.

ბევრი ამბობს, რომ ევროპის ჩემპიონატი, მსოფლიო ჩემპიონატის მსგავსად, საუკეთესო ტურნირია. ამბობენ, რომ იქ საუკეთესო ნაკრებები თამაშობენ. ამით გაკვირვებული ვარ, ყველამ იცის, რომ მსოფლიოს საუკეთესო ფეხბურთელები სამხრეთ ამერიკიდან არიან,” – მარტინესის სიტყვებს Ole ციტირებს.


კონმებოლი უეფასთან ორი კონტინენტის ჩემპიონის – იტალიისა და არგენტინის ნაკრებების შეხვედრის შესახებ მოლაპარაკებებს მართავს. სამხრეთ ამერიკული მედიის ცნობით, კალენდრის გათვალისწინებით, მატჩის ჩატარება 2021 წელს რთული იქნება, თუმცა მომავალ წელს მისი გამართვა სავსებით რეალურია.

(309)

მარტინესი: ,,ამბობენ, რომ ევროპის ჩემპიონატი საუკეთესოა, რაც გასაკვირია, რადგან საუკეთესო ფეხბურთელები სამხრეთ ამერიკიდან არიან”

სტატიის ავტორი
-