ბელენენსეშის პრეზიდენტი ბენფიკასთან მატჩზე: ,,ეს მთელი პორტუგალიის სირცხვილია''
2 წლის წინ
ფეხბურთი
1 წთ
,,დღევანდელი მატჩი სირცხვილია, ეს არის მთელი პორტუგალიის სირცხვილი, გარდა ,,ბელენენსეშის'' 9 ფეხბურთელისა, რომლებიც მოედანზე გავიდნენ. არ არსებობს არცერთი არგუმენტი, რომელიც ლიგის ასეთ გადაწყვეტილებას გაამართლებს. ჯერ კიდევ პარასკევს შევატყობინეთ ლიგას, რომ თამაშს ვერ შევძლებდით, თუმცა გვიპასუხეს, რომ 8 ფეხბურთელი გვყავდა, ამიტომ მოედანზე აუცილებლად უნდა გავსულიყავით. წინააღმდეგ შემთხვევაში, ტექნიკურ მარცხს ჩაგვითვლიდნენ და მომავალი საშინაო მატჩების ჩატარება მაყურებლის გარეშე მოგვიწევდა,'' - განაცხადა სუარეშმა.პორტუგალიის პრიმეირა ლიგის მე-12 ტურში ,,ბელენენსეშმა” ლისაბონის ,,ბენფიკას” უმასპინძლა. მატჩში უცნაური ფაქტი დაფიქსირდა – მასპინძელი გუნდი მოედანზე 9 ფეხბურთელით გავიდა, რომელთაგან ორი მეკარე იყო. ამის მიზეზი კორონავირუსი გახდა – ,,ბელენენსეშის” 17 ფეხბურთელსა და სტაფის წევრს Covid 19-ი დაუდასტურდათ. შესაბამისად, კლუბს გუშინდელ შეხვედრაში სათადარიგო მოთამაშეები არ ჰყოლია. პირველ ტაიმში ,,ბენფიკამ'' მეტოქეს 7 უპასუხო გოლი გაუტანა, მატჩი მეორე ნახევრის სტარტზევე შეწყდა.
სხვა სტატიები
.32.webp)
