პიოლი: ,,ბიჭებს კობი ბრაიანტის ინტერვიუ ვაჩვენე, სადაც ამბობს, რომ ფლეიოფში 2:0-ზე საქმე არ დასრულებულა”

,,მილანის” მთავარმა მწვრთნელმა, სტეფანო პიოლიმ, ,,ატალანტასთან” მატჩის შემდეგ, განმარტა, როგორ ეხმარება საკუთარ ფეხბურთელებს კონცენტრირებაში:

,,გულწრფელად გითხრათ, ბოლო რამდენიმე კვირა აბსოლუტურად ჩვეულებრივი იყო, რადგან ჩემი ფეხბურთელების დამოკიდებულებას ვხედავ – ისინი იცინიან, ხუმრობენ, მაგრამ ვარჯიშზე მოსულები კონცენტრირებულები არიან, ამიტომ ზედმეტი ფიქრი არ მჭირდება.

ბიჭებს კობი ბრაიანტის ინტერვიუ ვაჩვენე, სადაც ამბობს, რომ ფლეიოფში 2:0-ზე საქმე არ დასრულებულა და ბოლომდეა მისაყვანი. ჩვენ შემთხვევაშიც ასეა. სიმშვიდე და კონცენტრაცია უნდა შევინარჩუნოთ, რაც, შესაძლოა, გადამწყვეტი აღმოჩნდეს,” – პიოლის სიტყვებს Football Italia ციტირებს.


სერია ა-ს 37 ტურის შემდეგ, ,,მილანი” 83 ქულით სატურნირო ცხრილის პირველ პოზიციაზეა და მეორეადგილოსან ,,ინტერს” 2 ქულით უსწრებს. ,,როსონერი” ბოლო ტურში ,,სასუოლოს” ესტუმრება და გამარჯვების შემთხვევაში იტალიის ჩემპიონი გახდება.

პიოლი: ,,ბიჭებს კობი ბრაიანტის ინტერვიუ ვაჩვენე, სადაც ამბობს, რომ ფლეიოფში 2:0-ზე საქმე არ დასრულებულა”

სტატიის ავტორი
-