"დორტმუნდი" - "ლაიპციგის" უხვგოლიან დაპირისპირებაში (3:3) საინტერესო ფაქტი დაფიქსირდა.
შეხვედრაში გოლის გატანა ნიჭიერმა ინგლისელმა ჯეიდონსანჩომ მოახერხა. 19 წლის ტალანტმა მიმდინარე კალენდრულ წელიწადში ბუნდესლიგაში მე-15 ბურთი შეაგდო. სანჩო მესამე 20-წლამდე ასაკის ფეხბურთელი გახდა, რომელმაც გერმანიის ჩემპიონატში ასეთი შედეგის დაფიქსირება შეძლო. ბოლოს ასეთი რამ ოლაფ ტონმა 1985 წელს გააკეთა.
მიმდინარე სეზონში, "შავ-ყვითლების" თავდამსხმელმა გერმანიის ჩემპიონატში 14 მატჩი ჩაატარა, 9 გოლი გაიტანა და 9 საგოლე პასიც გააკეთა.