2 მიზეზი, რის გამოც ჰოლანდმა მანჩესტერ სიტიში გადასვლა გადაწყვიტა

არსებობს ორი ძირითადი მიზეზი, რის გამოც ერლინგ ჰოლანდმა ევროპული გრანდების წინადადება უარყო და "მანჩესტერ სიტიში" გადასვლა გადაწყვიტა. გავლენიანი ბრიტანული ტაბლოიდების სპეკულაციის ფონზე, "მანჩესტერ სიტიმ" მედიაში გავრცელებულ ჭორებს წერტილი დაუსვა და ოფიციალურად განაცხადა, რომ ჰოლანდის ტრანსფერის თაობაზე პრინციპული შეთანხმებაა მიღწეული. წყაროს მტკიცებით, ჰოლანდმა 5-წლიან კონტრაქტს მოაწერა ხელი, რომლის თანახმადაც, კოლოსალურ ანაზღაურებას მიიღებს და კევინ დე ბრუინესთან ერთად, მანჩესტერული კლუბის ყველაზე მაღალანაზღაურებადი ფეხბურთელი გახდება. აღსანიშნავია, რომ კოლოსალური ანაზღაურება არ არის ერთადერთი მიზეზი, რის გამოც 21 წლის ვარსკვლავმა "მანჩესტერ სიტიში" გადასვლა გადაწყვიტა. მადრიდის "რეალი", "ბაიერნი" და "პარი სენ-ჟერმენი" ნორვეგიელ ვარსკვლავს პრაქტიკულად იდენტურ ანაზღაურებას სთავაზობდნენ, თუმცა ჰოლანდმა პრემიერ ლიგის გრანდში გადასვლა "ემოციური და საფეხბურთო" მიზეზებიდან გამომდინარე გადაწყვიტა. ნორვეგიელს "მანჩესტერ სიტისთან" პირდაპირი კავშირი აქვს. ერლინგ ჰოლანდის მამამ პროფესიონალური საფეხბურთო კარიერის განმავლობაში, "მანჩესტერ სიტის" მაისური პრემიერ ლიგის 35 შეხვედრაში მოირგო. სოციალურ ქსელებში გავრცელდა ჰოლანდის ფოტოები, რომლებშიც ჯერ კიდევ ბავშვობის დროიდან, "ქალაქელთა" მაისურშია გამოწყობილი და მათ მატჩებს ესწრება. სოციალურ ქსელებში ასევე გავრცელდა ვიდეო, რომელშიც ჰოლანდი "დორტმუნდელ" თანაგუნდელთან ერთად, "მანჩესტერ სიტის" სტადიონის სილამაზეს აღნიშნავს და მოედანზე გასვლისას "ქალაქელთა" გერბს ფეხს არ აბიჯებს.

You better @ErlingHaaland has blue in his veins. This is his club. He was literally born in the same month his dad signed for @ManCity - life as a blue was imprinted on him from birth! He celebrated City's successes & grew up loving this club. He's one of us. Deal with it... 🍻 pic.twitter.com/UuV8tTUw0G — Steven (@StevenMcinerney) May 10, 2022

▶️ Training 🔛 #MCIBVB pic.twitter.com/9HA5OHmb3Q — Borussia Dortmund (@BVB) April 5, 2021