ლიონელ მესიმ ლა ლიგის ბოლო ტურში "ბეტისთან" მორიგი შესანიშნავი მატჩი ჩაატარა - არგენტინელმა 3 ბრწყინვალე გოლი გაიტანა. ერთ-ერთი გოლი მან საჯარიმო დარტყმით გაიტანა და ამით ძალიან საინტერესო მაჩვენებელი დააფაქსირა.
2011/12 სეზონის შემდეგ საჯარიმო დარტყმებით გატანილი გოლების რაოდენობა
მესი - 25
რეალი - 24
ლიონი - 22
რომა და პსჟ - 21
ლივერპული - 19
მესის თქმით, მისი წარმატების საიდუმლო ძალიან ბევრ ვარჯიშშია: "დიახ, ხშირად ვრჩები ვარჯიშის შემდეგ მოედანზე, რათა საჯარიმო და შორეული დარტყმები უფრო მეტად დავხვეწო," განაცხადა მან.
მან ასევე საჯარიმო დარტყმასა და 11-მეტრიანს შორის მნიშვნელოვან სხვაობას გაუსვა ხაზი: "პენალტის დარტყმისას, პოტენციური დანაკარგი გაცილებით მეტია, ვიდრე სარგებელი. ანუ თუ გოლს ვერ გაიტანთ, ეს მეკარისთვისაც უფრო მარტივი სიტუაციაა - თუკი პენალტის აღებას ვერ მოახერხებს, ეს გაცილებით ნორმალური მოვლენაა, ვიდრე საჯარიმო დარტყმიდან გაშვებული გოლი," აღნიშნა მესიმ.