25 ფეხბურთელი, რომელმაც 21-ე საუკუნეში ყველაზე მეტი საგოლე გადაცემა გააკეთა

თანამედროვე ფეხბურთში, პეპ გვარდიოლას სამწვრთნელო ფილოსოფიის აქტიურად დანერგვამ ნახევარმცველების და შესაბამისად პასების მნიშვნელობა ორმაგად გაზარდა. ამ პოზიციის ფეხბურთელთა ერთ-ერთ უმთავრეს საქმესაც ხომ თავდამსხმელების საგოლე გადაცემებით მომარაგება წარმოადგენს.

ბოლო წლებში, ბევრ ისეთი ფეხბურთელი გავიცანით და შევიყვარეთ, ვინც თავისი მაგიური პასის ხელოვნებით და საგოლე მომენტის შექმნის ოსტატობით მოგვხიბლა. მესუთ იოზილი, კევინ დე ბრუინე, ჩავი, ანდრეს ინიესტა და სხვები, თანამედროვე ფეხბურთის განუყოფელი ნაწილები გახდნენ. მოდით 21-ე საუკუნის საუკეთესოს ასისტენტებს და მათ სტატისტიკურ მონაცემებს გავეცნოთ.

25. ქარიმ ბენზემა

მატჩი: 740

საგოლე გადაცემა: 146

თავდამსხმელი, რომელსაც ყველაფრის გაკეთება შეუძლია. გარდა იმისა, რომ ბენზემა მადრიდის “რეალის” ისტორიაში ხუთ საუკეთესო ბომბარდირ შორისაა, მას ამ ტიტულის საუკეთესო მფლობელის, კრიშტიანუ რონალდუს წარმატებაშიც უდიდესი წვლილი მიუძღვის.

Benzema with Real Madrid

24. დევიდ ბექჰემი

მატჩი: 581

საგოლე გადაცემა: 176

მისი მარჯვენა ფეხი მეტოქეებისთვის მომაკვდინებელი იყო. შედეგიანობის თვალსაზრისით, მისი საუკეთესო სეზონი 1999/2000 წლები გამოდგა, როცა “მანჩესტერ იუნაიტედის” მაისურით, პრემიერლიგაში 15 საგოლე გადაცემა შეასრულა.

David Beckham | Man Utd Legends Profile | Manchester United

23. ჰალკი

მატჩი: 601

საგოლე გადაცემა: 178

ყველგან, სადაც ფიზიკურად ძლიერმა ბრაზილიელმა ითამაშა, თავისი კვალი დატოვა. 2015/16 წლების სეზონში, რუსეთის ლიგის 29 მატჩში მან “ზენიტის” ფეხბურთელებს გოლი 19-ჯერ გაატანინა. მისი შესაძლებლობების ფონზე, სამწუხაროა, რომ ჰალკმა, საკუთარი გადაწყვეტილებით, კარიერის დიდი ნაწილი ტოპ ჩემპიონატებში არ გაატარა.

Hulk Footballer Net Worth and Salary in 2019 - Top Soccer Blog

22. უეინ რუნი

მატჩი: 862

საგოლე გადაცემა: 179

ბენზემას მსგავსად, რუნიც სრულყოფილი თავდამსხმელის განსაზღვრებაა. გარდა იმისა, რომ ინგლისელი პრემიერლიგის ისტორიაში მეორე საუკეთესო ბომბარდირია, ის საგოლე გადაცემების მანქანაც გახლავთ და 2007/08 წლების სეზონში თანაგუნდელებს 13-ჯერ დაეხმარა.

Rooney with Derby

21. ედენ აზარი

მატჩი: 675

საგოლე გადაცემა: 181

შემოქმედი გენიოსი. 2011/12 წლების სეზონში, “ლილში” ყოფნისას, მან 20 გოლს 18 შედეგიანი პასიც დაუმატა.

Chelsea pay tribute to Hazard

20. ანდრეს ინიესტა

მატჩი: 849

საგოლე გადაცემა: 182

ინიესტას თამაში ბევრად მეტი იყო, ვიდრე გოლები და საგოლე გადაცემები, თუმცა ყველა დროის ერთ-ერთმა უტიტულოვანესმა ნახევარმცველი შედეგიანობის კუთხითაც მოწინავეთა შორისაა.

Andres Iniesta Retires from Football, Twitter Pays Tribute ...

19. დუშან ტადიჩი

მატჩი: 587

საგოლე გადაცემა: 185

სერბმა ფორვარდმა, რომელიც ასაკის მატებასთან ერთად პროგრესირებს, წინა სეზონში, “აიაქსის” მაისურით ერედივიზიონში მხოლოდ 25 მატჩი ჩაატარა, თუმცა ეს 15 საგოლე პასის გასაკეთებლად სავსებით საკმარისი აღმოჩნდა.

Dusan Tadic - Player profile 19/20 | Transfermarkt

18. დრის მერტენსი

მატჩი: 691

საგოლე გადაცემა: 188

თანამედროვე ეპოქის ერთ – ერთი ყველაზე დაუფასებელი შემტევი. მრავალფეროვანმა თავდამსხმელმა ზედიზედ ოთხ სეზონში 10-ზე მეტი საგოლე პასი გაიფორმა.

Mertens with Napoli

17. ტიერი ანრი

მატჩი: 716

საგოლე გადაცემა: 190

ფრანგი ლეგენდა უფრო მეტი იყო, ვიდრე უბრალოდ ცივსისხლიანი ბომბარდირი. 2002/03 წლების სეზონში დაგროვებული 20 საგოლე გადაცემა დღესაც პრემიერლიგის რეკორდია.

Henry - The one goal that was more than a goal | News | Arsenal.com

16. ნეიმარი

მატჩი: 501

საგოლე გადაცემა: 190

ბრაზილიელი ერთ მატჩში საშუალოდ 0.38 საგოლე გადაცემას აკეთებს, რაც ამ სიაში მყოფ ფეხბურთელებს შორის მეორე შედეგია. “ბარსელონაში” მიჯრით სამ სეზონში ნეიმარმა სულ მცირე, ათ საგოლე პასს მოუყარა თავი.

Neymar insists he is 'happy' at Paris Saint-Germain - AS.com

15. არიენ რობენი

მატჩი: 703

საგოლე გადაცემა: 193

რობენს საგოლე პასების რაოდენობით ერთ კოკნკრეტულ სეზონში რეკორდი არ დაუმყარებია, თუმცა საერთო ჯამში თანაგუნდელებს თითქმის 200-ჯერ დაეხმარა. წარმოიდგინეთ ნიდერლანდელის შედეგები ტრავმების გარეშე…

Bundesliga | Bayern Munich's Arjen Robben: "I've fought really ...

14. ზლატან იბრაჰიმოვიჩი

მატჩი: 681

საგოლე გადაცემა: 196

საკულტო შვედი ფიგურის შედეგები გასაოცარია. საკლუბო კარიერაში მან 5 ისეთი სეზონი ჩაატარა, როცა ორივე კომპონენტში 10-ციფრიან მაჩვენებელს ასცდა.

Zlatan with AC Milan

13. დავიდ სილვა

მატჩი: 754

საგოლე გადაცემა: 200

პირველი ფეხბურთელი ორასიანთა კლუბიდან. გენიოსი გამთამაშებელი, რომელიც “მანჩესტერ სიტის” ყველა დროის ერთ-ერთი საუკეთესო ფეხბურთელია. მაგიურმა ესპანელმა პრემიერლიგის ხუთ სხვადასხვა სეზონში საგოლე გადაცემების 10-ციფრიანი ბარიერი გადალახა.

David Silva will get proper farewell at Manchester City, says ...

12. კევინ დე ბრუინე

მატჩი: 520

საგოლე გადაცემა: 200

თუ ამ სიას 5 წლის შემდეგ განვაახლებთ, დიდი ალბათობით ეს ფეხბურთელი წამყვან სამეულში იქნება. ერთ შეხვედრაში, ბელგიელს საშუალოდ 0.38 საგოლე გადაცემის შესრულება შეუძლია, რა შედეგსაც ნეიმართან ერთად ინაწილებს.

Kevin De Bruyne - Player Profile - Football - Eurosport

11. ანდრეი არშავინი

მატჩი: 700

საგოლე გადაცემა: 201

რუსი ფეხბურთელის გატარებული დრო “არსენალში” მაინცდამაინც სტაბილური არ გახლდათ, თუმცა გულშემატკივარს ცხადია, მისი პოკერი “ლივერპულთან” არასოდეს დაავიწყდება. რაც შეეხება საგოლე პასების მხრივ შედეგიან სეზონს, არშავინმა მშობლიურ ჩემპიონატში, “ზენიტის” მაისურით 106 საგოლე გადაცემა მოაგროვა.

A tribute to Andrey Arshavin, Arsenal's rogue oddball and ...

10. შტეფან ჰოფმანი

მატჩი: 629

საგოლე გადაცემა: 208

ალბათ იკითხავთ: “ვინ”? დიახ, ეს ფეხბურთელი ჩვენს ნუსხაში ჩამოთვლილი გვარებისგან ძალიან შორს დგას, თუმცა ის ვენის “რაპიდის” ლეგენდაა და სტატისტიკით არაერთ ვარსკვლავსაც უსწრებს. ავსტრიელმა ფეხბურთელმა დედაქალაქურ კლუბში 540 მატჩში, 128 გოლი გაიტანა და 208 საგოლე გადაცემა მიითვალა. ყველაზე გასაოცარი კი 2007/08 წლების სეზონში გაკეთებული 25 საგოლე პასია.

Hofmann with Rapid Vienna

9. თომას მიულერი

მატჩი: 667

საგოლე გადაცემა: 224

გერმანიის ნაკრების შემტევმა ამდენიმე დღის წინ, ბუნდესლიგის რეკორდი გაიმეორა და ერთ სეზონში 21 საგოლე გადაცემას მოუყარა თავი.

Bundesliga | Bayern Munich's Thomas Müller: World football's last ...

8. ფრანკ რიბერი

მატჩი: 649

საგოლე გადაცემა: 227

ეს კი ის ადამიანია, ვისი შედეგიც ამ სიაში მისმა წინამორბედმა გაიმეორა. ვეტერან ბავარიელს კარიერაში 5 ისეთი სეზონი ჰქონდა, როცა მინიმუმ 10 საგოლე გადაცემა მოაგროვა.

Frank Ribery next club: Former Bayern Munich star still wishes to ...

7. ჩავი ერნანდესი

მატჩი: 950

საგოლე გადაცემა: 230

ამ სიაში მყოფ არცერთ ფეხბურთელს ევროპის ტოპ 5 ჩემპიონატის ერთ კონკრეტულ სეზონში იმაზე მეტი საგოლე გადაცემა არ გაუკეთებია, ვიდრე ეს ესპანელმა მაესტრომ შეძლო. 2008/09 წლების ტრიუმფალურ სეზონში, ჩავიმ „ბარსას“ ფეხბურთელებს 22 გოლი გაატანინა.

Xavi, a Liga legend at FC Barcelona

6. სესკ ფაბრეგასი

მატჩი: 800

საგოლე გადაცემა: 234

ამ საქმისთვის დაბადებული ადამიანი. ფაბრეგასმა, კარიერის განმავლობაში, 9 სეზონში მოახერხა საგოლე გადაცემებში ორციფრიანი მაჩვენებლის დაფიქსირება. მათ შორის, 2014/15 წლების სეზონში, „ჩელსის“ რიგებში – 19.

Cesc Fabregas | Players | Men | Arsenal.com

5. ანხელ დი მარია

მატჩი: 695

საგოლე გადაცემა: 235

„მანჩესტერ იუნაიტედში“ გატარებულ საშინელ სეზონშიც კი, არგენტინელმა ვარსკვლავმა პრემიერლიგის 27 მატჩში თანაგუნდელებს შედეგიანად 11-ჯერ უპასა.

Di Maria signs new three-year PSG deal - AS.com

4. მესუთ იოზილი

მატჩი: 653

საგოლე გადაცემა: 253

ვიხილავთ კი მას კიდევ ერთხელ „არსენალის“ მაისურით? ვინ იცის. ბოლო წლებში, მისი კარიერა შესაძლოა ნელ-ნელა რეგრესს განიცდის, მაგრამ სტატისტიკა გერმანელი ფეხბურთელის შესაძლებლობებზე თავად მეტყველებს. საშუალოდ ერთ მატჩში, 0.39 საგოლე გადაცემა. აუცილებლად აღსანიშნავია მისი გასაოცარი შედეგიანობა მადრიდის “რეალში” – 159 მატჩში ოზილმა 80 საგოლე გადაცემას მოუყარა თავი.

Mesut Özil - Player profile 19/20 | Transfermarkt

3. ლუის სუარესი

მატჩი: 713

საგოლე გადაცემა: 256

გახსოვთ ჩვენს მიერ ნახსენები ფრაზა – „სრულფასოვანი თავდამსხმელი“? ეს ბიჭი ამ სიტყვათაშეთანხმების იდეალური ასახვაა. ცენტრალური თავდამსხმელი, რომლის აქტივშიც 250-ზე მეტი საგოლე გადაცემაა. უბრალოდ გასაოცარია.

Barcelona: Luis Suárez to play with calf injury against Celta - AS.com

2. კრიშტიანუ რონალდუ

მატჩი: 1008

საგოლე გადაცემა: 258

შესაძლოა ამ ადამიანს ამ სიაში საერთოდ არ ელოდით, ან მასთან შეხვედრის მოლოდინი გაცილებით ადრე გქონდათ. დიახ, რონალდუ ხომ გუნდური მოთამაშე არ არის და მხოლოდ პირად სტატისტიკაზე ფიქრობს… თავად განსაჯეთ: 5 ოქროს ბურთის მომგებმა ფეხბურთელმა კარიერაში 258 საგოლე გადაცემა გააკეთა.

Ronaldo with Juventus

1. ლიონელ მესი

მატჩი: 866

საგოლე გადაცემა: 319

საგოლე პასების მეფე! 6 ოქროს ბურთის, 700 კარიერული გოლის, 4 ჩემპიონთა ლიგის და შესანიშნავი ფეხბურთის შემდეგ, არგენტინელის თამაშის ეს კომპონენტი ერთი შეხედვით შეუმჩნეველი რჩება, მაგრამ ყველა დროის ერთ-ერთი საუკეთესო ფეხბურთელის აქტივში ლა ლიგის 12 სეზონში (დიახ, არ გეჩვენებათ, ნამდვილად 12 წერია) შესრულებული სულ მცირე 10 საგოლე პასია.

lionel-messi-barcelona-atletico-01092020_jcdfteowl7011ojh12q2hotx0 ...

(44)

25 ფეხბურთელი, რომელმაც 21-ე საუკუნეში ყველაზე მეტი საგოლე გადაცემა გააკეთა

სტატიის ავტორი
-