რამდენიმე წუთის წინ დასრულდა პრემიერ ლიგის 22-ე ტურის პირველი მატჩი ლონდონში, სადაც "ვესტ ჰემმა" "არსენალს" უმასპინძლა და 19 წლის რაისის ერთადერთი გოლით დაამარცხა.
აღსანიშნავია ის ფაქტი, რომ "არსენალმა" პრემიერ ლიგაში 2018 წლის 12 აგვისტოს შემდეგ, პირველად ვერ მოახერხა მატჩში გოლის გატანა. ლონდონურმა კლუბმა ბოლოს შეხვედრა უგოლოდ სწორედ 2018 წლის 12 აგვისტოს "მანჩესტერ სიტის" წინააღმდეგ დათმო (0:2).
ლონდონის "არსენალი" 2018/19 წლების სეზონში პრემიერლიგაში 41 ქულით მე-5 ადგილს იკავებს.
