დინამო თბილისი შინ ტირანასთან დამარცხდა და ევროპის ლიგაზე გადაინაცვლა

ქართულმა კლუბებმა ევროსარბიელზე 2020/2021 წლების სეზონზე გამოსვლა დაიწყეს. პირველი, რომელიც ევროტურნირებში ჩაერთო, ქართული ფეხბურთის ფლაგმანი “დინამო თბილისია”. ქვეყნის ჩემპიონმა ჩემპიონთა ლიგის პირველი საკვალიფიკაციო ეტაპის შეხვედრაში, ბორის პაიჭაძის სახელობის “დინამო არენაზე”, ალბანურ “ტირანას” უმასპინძლა და

შეხვედრის პირველი ნახევარი სრულად მასპინძელთა უპირატესობით წარიმართა. თბილისელები ბურთზე კონტროლი პირველივე წუთიდან დააწესეს და ამ კომპონენტში მატჩის ბოლოს 70%-იანი უპირატესობა ჰქონდათ. გარდა ამისა, ქართული გუნდი მეტოქეს ყველა სხვა სტატისტიკური მონაცემებითაც სჯობდა და სახიფათო მომენტებსაც ფლობდა, თუმცა სტანდარტული მდგომარეობისას ცენტრალური მცველების აქტიურობას შედეგი არ მოჰყოლია.

პირველ ნახევარში ალბანელებს ერთადერთი შანსი მიეცათ და ისიც გოლად აქციეს. ბოლო დამატებულ წუთზე, ლუკა ლოჩოშვილის საკუთარ საჯარიმოში დაშვებულ შეცდომას ტორასას გოლი მოჰყვა – 0:1.

მეორე ნახევარში “დინამოსთვის” გოლის გატანა აუცილებელი ამოცანა გახდა. თბილისელები აქტიურად უტევდნენ და ფონს გასვლას ძირითადად საჯარიმოში მაღალი ჩაწოდებებით ცდილობდნენ, მაგრამ მეტოქე თავს მთელი გუნდით იცავდა, საჯარიმოში ჩაწოდების დროს “ტირანას” 11 ფეხბურთელი კარის უსაფრთხოებაზე ზრუნავდა, რაც “დინამოს” მიზნის მიღწევაში ხელს უშლიდა.

საპირისპიროდ, 86-ე წუთზე, “დინამოს” მეტოქის კონტრშეტევა გამოეპარათ, რაც მარსელ ისმაილეცის გოლით დასრულდა – 0:2 და “დინამო” ჩემპიონთა ლიგას პირველი ეტაპიდან უგოლოდ დაემშვიდობა.

საქართველოს მოქმედი ჩემპიონი გამოსვლას ევროპის ლიგის მეორე საკვალიფიკაციო ეტაპზე გააგრძელებს, სადაც  მეტოქე ცნობილი მოგვიანებით გახდება.

დინამო თბილისი“: კვასხვაძე – იაშვილი, ბენიო, კობოური (ქიმაძე, 59), ლოჩოშვილი – ქარდავა (კუცია, 67), პაპავა (კ) – შულაია, პერნამბუკო, ბუღრიძე (გაბედავა, 81) – კაპანაძე.

მთავარი მწვრთნელი: კახა ჩხეტიანი.

ტირანა“: ლიკა – ტოსევსკი (ტოლი 71), ვანგიელი, ნაიდოვსკი, ისმაილეცი – ცელჰაკა, ბათა (კ) – კალე, ტორასა (მუჩა, 85), ჩობინამუცი (ავდიჯაი, 87).

მთავარი მწვრთნელი: ემანუელ ეგბო (ნიგერია).

გოლი: აუგუსტინ ტორასა (45+4), მარსელ ისმაილეცი (86).

გაფრთხილება: ლუკა ლოჩოშვილი (23), გიორგი პაპავა (39), აკაკი შულაია (68), ტოსევსკი (72), ჩელჰაკა (85).

მსაჯი: როომერ ტარაევი (ესტონეთი).

(240)

დინამო თბილისი შინ ტირანასთან დამარცხდა და ევროპის ლიგაზე გადაინაცვლა

სტატიის ავტორი
-