კორონავირუსის გავლენის ქვეშ მსოფლიოს სხვა წამყვანი სპორტული შეჯიბრებების შემდეგ პრემიერლიგაც მოექცა.
COVID19-ს მასობრივი გავრცელების შემდეგ, ინგლისის ელიტარული და ქვედა ლიგების მატჩები 3 აპრილამდე გადაიდო.
პრემიერლიგის მმართველები გადაწყვეტილების მიღებას არ ჩქარობდნენ. 12 მარტის ბოლო ინფორმაციით, უახლოესი ტური ჩვეული ფორმით უნდა ჩატარებულიყო, მაგრამ მას მერე, რაც მიკელ არტეტას და ჰადსონ-ოდოის ინფიცირება დაუდგინდათ, რამდენიმე კლუბმა კი კარანტინი გამოაცხადა, ხსენებული გადაწყვეტილება ამოქმედდა.