"ლივერპულის" მარჯვენა მცველი, ტრენტ ალექსანდერ-არნოლდი, პრემიერ ლიგის 2019/20 წლების სეზონის საუკეთესო ახალგაზრდა ფეხბურთელად დასახელდა.
21 წლის ინგლისელმა ინდივიდუალური ტიტულისთვის ბრძოლაში "მანჩესტერ იუნაიტედის" ფეხბურთელები - მარკუს რაშფორდი, ანტონი მარსიალი და მეისონ გრინვუდი, ასევე მეისონ მაუნტი და კრისტიან პულიშიჩი ("ჩელსი"), ჯეკ გრილიში ("ასტონ ვილა") და დინ ჰენდერსონი ("შეფილდი") დაამარცხა.
2019/20 წლების სეზონი ალექსანდერ-არნოლდისთვის ძალიან წარმატებული გამოდგა: "ლივერპულის" 66-მა ნომერმა 13 საგოლე გადაცემა გააკეთა და 4 გოლი გაიტანა. აღსანიშნავია ისიც, რომ 1 სეზონში გაკეთებული ასისტების რაოდენობით, ალექსანდერ-არნოლდი, მცველებს შორის, პრემიერ ლიგის რეკორდსმენია.
საგოლე გადაცემების რაოდენობით, კლოპის ერთ-ერთი აღმოჩენა მხოლოდ კევინ დე ბრუინეს ჩამორჩა, რომელმაც ტიერი ანრის რეკორდი გაიმეორა (20).
იხილეთ ტრენტ ალექსანდერ-არნოლდის ყველა საგოლე გადაცემა 2019/20 წლების სეზონში
