Amazon-ი პოლ პოგბას შესახებ დოკუმენტური ფილმების სერიას გადაიღებს

"მანჩესტერ იუნაიტედისა" და საფრანგეთის ნახევარმცველი, პოლ პოგბა კომპანია Amazon-ის დოკუმენტური სერიალების ობიექტივში მოექცევა. 28 წლის ფეხბურთელმა და ტელეკომპანიამ შეთანხმებას მიაღწიეს და გადაწყვეტილია, რომ გულშემატკივარი მომავალ წელს ფრანგი ნახევარმცველის ცხოვრებისა და კარიერის შესახებ რამდენიმესერიიან ფილმს იხილავს. ცნობილია, რომ ფილმში მთავარი აქცენტები პოგბას "წითელი ეშმაკებიდან" წასვლასა და დაბრუნებაზე და ეროვნულ გუნდთან ერთად, 2018 წლის მსოფლიოს ჩემპიონატზე მიღწეულ წარმატებაზე გაკეთდება. დოკუმენტური სერიალი ასევე წარმოაჩენს მის გავლენას ფეხბურთზე, ასევე ინტერვიუებს ოჯახთან და მეგობრებთან და რა თქმა უნდა, აქამდე გამოუქვეყნებელ ბავშვობის ამსახველ კადრებს.

Paul Pogba has signed an overall deal with Amazon Studios to star in a ‘ Pogmentary ‘ which will reveal what made him into the man he is today and offer a glimpse into his life. [ @DEADLINE ] pic.twitter.com/xDo8MQMADH — PogbaXtra™ (@PogbaXtra) April 14, 2021

"პოლ პოგბა თავისი დროის ერთ-ერთი ყველაზე გამორჩეული ფეხბურთელია, ამიტომ ჩვენ აღფრთოვანებული ვართ, რომ მასთან ვთანამშრომლობთ საერთო სურვილით და მაყურებელს მის შესახებ გადაღებულ დოკუმენტურ სერიალს შევთავაზებთ. ყველამ ვიცით, თუ რისი გაკეთება შეუძლია პოლს საფეხბურთო მოედანზე, მაგრამ მისი გავლენა ბევრად უფრო შორს მიდის და ის, უეჭველად, მთელი თაობისთვის საკულტო ფიგურაა. ვიდეო უპრეცედენტო წვდომის საშუალებით, ჩვენ გვთავაზობს შესაძლებლობას ვნახოთ თუ როგორია დიდების მიღმა მისი ცხოვრება და ასევე მოედანზე ეს მას საკუთარი სიტყვის თქმის საშუალებას მისცემს", - თქვა Amazon Studios ხელმძღვანელმა, ჯორჯია ბრაუნმა.

Paul Pogba isn't rating himself on Warzone 🤣 via @Lukedutchh pic.twitter.com/nTNxOAWDII — utdreport (@utdreport) April 10, 2021