ანდრეა ბელოტიმ რომასთან კონტრაქტის პირობები შეათანხმა
1 წლის წინ
ფეხბურთი
1 წთ
იტალიის ეროვნული ნაკრების თავდამსხმელი, ანდრეა ბელოტი კარიერას ,,რომაში'' გააგრძელებს. ინფორმაციას იტალიელი ჟურნალისტი, ნიკოლო სკირა ავრცელებს.
წყაროს ცნობით, 28 წლის ფეხბურთელმა დედაქალაქურ კლუბთან ხელშეკრულების პირობები უკვე შეათანხმა. ბელოტი ,,ჯალოროსისთან'' 3-წლიან კონტრაქტს გააფორმებს და მისი ანაზღაურება წელიწადში 3 მილიონი ევრო იქნება.
ფორვარდის გადაბირებით ,,ვულვზი'' და ,,გალათასარაიც'' ინტერესდებოდნენ.
გასულ სეზონში ბელოტიმ ,,ტორინოს'' მაისურით ჩატარებულ 23 შეხვედრაში 8 გოლი გაიტანა და 1 საგოლე გადაცემა მიითვალა. თავდამსხმელი ახლა თავისუფალი აგენტია.