არაუხომ ესპანიოლთან მატჩის ინციდენტის შემდეგ ბოდიში მოიხადა

ლა ლიგის გასულ ტურში კატალონიური დერბი გაიმართა - "ესპანიოლსა" და "ბარსელონას" შორის გამართული შეხვედრა 2:2 დასრულდა. მატჩში არაერთი დაძაბული მომენტი იყო, ფეხბურთელებმა კი ორი წითელი ბარათიც მიიღეს. ერთ-ერთი ასეთი ეპიზოდის დროს "ესპანიოლის" ფეხბურთელი ნიკო მელამედი მოედნიდან გააძევეს, რა დროსაც მასთან რონალდ არაუხო მივიდა. ურუგვაელმა მცველმა მეტოქეს საკმაოდ უხეშად მიმართა და მას სეგუნდა დივიზიონისკენ მიუთითა.

Ronald Araújo 🤐 pic.twitter.com/90bV5mvebq — Juli Claramunt (@juliclaramunt) February 13, 2022

"ეს ყველაფერი დერბისგან გამოწვეული დაძაბულობის ბრალი იყო. თავს ღირსეულ პიროვნებად მივიჩნევ და პატივისცემას გამოვხატავ მეტოქე გუნდისა და მისი ფანების მიმართ, ამიტომაც, არ ვამაყობ იმით, რაც მოხდა," - წერს არაუხო.

pic.twitter.com/C2dJV69szi — Ronald Araujo (@RonaldAraujo_4) February 14, 2022