არჩილ არველაძე: "უკეთეს დასაწყისს ვერ ვინატრებდით, წელს ხვიჩას ბენეფისს ველოდებით"

"უკეთეს დაწყებას ვერ ინატრებდი – გოლიც ძალიან მნიშვნელოვან დროს გაიტანა. ამას არაჩვეულებრივი საგოლე პასიც დაუმატა. თანაც, ეს გასვლით მატჩზე მოხდა და ველოდებით, რომ წელს მისი ბენეფისი იქნება. ყველა კარგ ფეხბურთელს ახალ კლუბში გადასვლისას ადაპტაციისთვის პერიოდი სჭირდება. მესი ამის ყველაზე კარგი მაგალითია. დრო მით უფრო სჭირდება ახალგაზრდა ფეხბურთელს, რომელიც მაღალ დონეზე თამაშს ახლა იწყებს, მაგრამ „ვერონასთან“ კარგი დაწყება და კიდევ რამდენიმე მატჩი იქნება ძალიან მნიშვნელოვანი. რაც უფრო მალე მიაღწევს წარმატებას, მით უფრო ადრე გახდება თავდაჯერებული. პირველ მატჩში გოლი და საგოლე გადაცემა ამაში დაეხმარება. ჩემი აზრით, „ნაპოლის“ წელს ჩემპიონობისთვის ბრძოლა გაუჭირდება, რაც ხვიჩასთვის უკეთესიც უნდა იყოს, რადგან გუნდზე შარშანდელივით დიდი წნეხი არ იქნება და თავის გამოჩენის მეტი შანსი მიეცემა", - თქვა არჩილ არველაძემ საქართველოს პირველი არხის ეთერში.