"გრონინგენის" ნახევარმცველი არიენ რობენი ნიდერლანდების ჩემპიონატის პირველი ტურის მატჩში "პსვ-ს" წინააღმდეგ (0:1) დაშავდა.
ეს 36 წლის ფეხბურთელისთვის კარიერის განახლების შემდეგ პირველი ოფიციალური მატჩი იყო და 30-ე წუთზე იძულებული გახდა მოედანი ნაადრევად დაეტოვებინა.
მადრიდის "რეალის", ლონდონის "ჩელსის", მიუნხენის "ბაიერნის" და ნიდერლანდების ნაკრების ყოფილმა ფეხბურთელმა კარიერის დასრულების შესახებ 2019 წელს გამოაცხადა, წელს კი მშობლიურ "გრონინგემთან" 1-წლიანი კონტრაქტი გააფორმა.
