ინგლისის პრემიერ ლიგის დასრულებამდე 3 ტურით ადრე, სატურნირო თვალსაზრისით მდგომარეობა უკიდურესად დაძაბულია. საჩემპიონო ბატალიებში ჩართული "მანჩესტერ სიტისა" და "ლივერპულის" დუელი, ყველაზე გამორჩეული საკლუბო საფეხბურთო ჩემპიონატის ერთადერთ ინტრიგას არ წარმოადგენს.
ჩემპიონთა ლიგაზე გამსვლელ ოთხეულში მოსახვედრად, არანაკლებ მედგარი ბრძოლაა გამართული. საუკეთესო ოთხეულში მოსახვედრად 3 ლონდონური გრანდი იბრძვის ("ჩელსი" - 67, "არსენალი" - 66, "ტოტენჰემი" - 62). უნდა აღინიშნოს, რომ ყველაზე მომგებიან სიტუაციაში "ჩელსი" იმყოფება. უმნიშვნელოვანესი ბრძოლა 12 მაისს, თბილისის დროით 22:45 საათზე, "ტოტენჰემ ჰოტსპურის" სტადიონზე გაიმართება, სადაც "ტოტენჰემი" "არსენალს" დაუპირისპირდება და აღნიშნული მატჩის დასრულების შემდეგ, ბევრ კითხვას პასუხი გაეცემა.
სუპერკომპიუტერმა ინგლისის პრემიერ ლიგის 2021/22 წლების სეზონის საბოლოო ცხრილი გამოავლინა, რომელშიც მე-4 პოზიცია "ტოტენჰემმა" დაიკავა, "არსენალი" კი ოთხეულს მიღმა დარჩა.