"ასე ხდება, როცა გუნდში ამპარტავანი მწვრთნელი მოგყავს" - პირს მორგანი
გუშინ პრემიერ ლიგაში ტურის ცენტრალური შეხვედრა გაიმართა, სადაც ერთმანეთს "მანჩესტერ იუნაიტედი" და "არსენალი" დაუპირისპირდნენ. მატჩი საკმაოდ სანახაობრივი გამოდგა. მიკელ არტეტას გუნდმა "წითელი ეშმაკები" 3:2 დაამარცხა. "მეთოფეებმა" შეხვედრა ნკეტიას 90-ე წუთზე გატანილი გოლით მოიგეს. აღნიშნული გამარჯვებით ლონდონელებმა "მანჩესტერ სიტისთან" ხუთქულიანი უპირატესობა შეინარჩუნეს.
აღნიშნულ შეხვედრას უამრავი გამოხმაურება მოჰყვა და გამონაკლისი არც პირს მორგანი ყოფილა, რომელმაც "იუნაიტედის" მიმართ დამცინავი პოსტი გამოაქვეყნა.
"ვულოცავ "მანჩესტერ იუნაიტედს". ასე ხდება, როცა გუნდში ამპარტავანი მწვრთნელი მოგყავს, რომელიც ყველა დროის საუკეთესო ფეხბურთელს (კრიშტიანუ რონალდუს) უპატივცემულოდ ეპყრობა და მას ანაცვლებ ვიღაცით, რომლის სახელი არასდროს მსმენია. მისი გვარი ავსტრიული ძეხვის სახელს ჰგავს."
Congrats @ManUtd - that’s what happens when you hire an arrogant coach who disrespects the 🐐 @Cristiano so badly he leaves - and then replaces him with someone I’ve never heard of who sounds like an Austrian sausage. #Weghorst pic.twitter.com/Gk2rCo9aMw
— Piers Morgan (@piersmorgan) January 22, 2023
აღსანიშნავია, რომ ბრიტანელმა ჟურნალისტმა საქებარი სიტყვები "არსენალის" მიმართ არ დაიშურა.
"გუშინ "ემირეითსზე" არაჩვეულებრივი ატმოსფერო იყო. თუ გინდათ გაიგოთ რატომ სჯერათ "არსენალის" ფანებს, რომ ლიგას მოიგებენ, შეხედეთ ამ ორ ბიჭს - ასეთი ნიჭი, უნარი, ვნება, მონდომება და პრემიერ ლიგის მოგების სურვილი."
Best atmosphere I’ve ever experienced at the Emirates yesterday. And if you want to know why Arsenal fans now believe we can win the League, look no further than these two guys - such talent, skill, passion, drive, determination & hunger for the PL title. #Odegaard #Zinchenko 🔥 pic.twitter.com/RLoSdCGmOO
— Piers Morgan (@piersmorgan) January 23, 2023
"არსენალს" შემდეგი შეხვედრა FA თასზე ელის, სადაც "მანჩესტერ სიტის" დაუპირისპირდება. აღნიშნული შევხედრა 27 იანვარს, 23:55 საათზე არის ჩანიშნული.
სხვა სტატიები
