ბაიერნმა სვირინგის გაკეთების გამო ტოლისო დააჯარიმა

" ძალიან ბედნიერები ვართ, რომ მიუხედავად კორონავირუსის პანდემიისა ბუნდესლიგაში შეხვედრები იმართება. თუმცა, ამის წინაპირობა არის მოთამაშეების, მწვრთნელებისა და პერსონალის მიერ გერმანიის საფეხბურთო ლიგის  ჰიგიენის კონცეფციის პირობების სანიმუშო შესრულება. კორენტინ ტოლისომ დაარღვია ეს პირობა, მიუხედავად იმისა, რომ ჩვენმა სპორტულმა ხელმძღვანელობამ მკაფიოდ და ნათლად ახსნა ეს. ეს ძალიან უსიამოვნო ინციდენტია, რომლის მოთმენასაც არავითარ შემთხვევაში არ ვაპირებთ. კორენტინ ტოლისო საგრძნობ ფულად ჯარიმას მიიღებს, რომელიც საქველმოქმედო მიზნებს მოხმარდება", - აცხადებს რუმენიგე.

" მინდა ბოდიში მოვიხადო ჩემი გაუმართლებელი საქციელის გამო. ძალიან ვწუხვარ, რომ წესები დავარღვიე. ვიცი, რომ გუნდსა და გულშემატკივრებს იმედები გავუცრუე. ძალიან ვწუხვარ",- დაწერა ფრანგმა ნახევარმცველმა.