იტალიური სპორტული გამოცემა, Football Italia იუწყება, რომ მარიო ბალოტელიმ, ნეაპოლში, ბარის ერთ-ერთ თანამშრომელს €2000 ევრო გადაუხადა იმისთვის, რომ იგი საკუთარი მოპედით წყალში გადამხტარიყო.
"შაბათი დილა იწყება ასე" - მარიო ბალოტელიმ სწორედ ამ ფრაზით გამოაქვეყნა ვიდეო სოციალურ ქსელში, სადაც ჩანს, რომ ბარის ერთ-ერთი თანამშრომელი საკუთარი მოპედით წყალში ხტება.
ამ ფაქტს სოციალურ ქსელში ბარის თანამშრომელიც გამოეხმაურა, რომელმაც მომხდარი რამდენიმე სიტყვით შეაფასა - "ჩემი მოპედი მხოლოდ 600 ევრო ღირდა".
