კატალონიის „ბარსელონას“ ვიცე-პრეიზიდენტის, ხორდი კარდონერის განცხადებით, მისი გუნდი ბრაზილიელი ვარსკვლავის, ნეიმარის დაბრუნებას არ განიხილავს და რომ მედიაში გავრცელებული ინფორმაცია სიმართლეს არ შეესაბამება.
„გუნდის ხელმძღვანელობას ნეიმარის დაბრუნების საკითხი არ განუხილავს. შესაბამისად, ამ ტრანსფერთან დაკავშირებით საუბარი სიმართლეს არ შეესაბამება", - აღნიშნა მან.
შეგახსენებთ, რომ 2017 წელს "პსჟ-მ" კატალონიელებს ნეიმარის სანაცვლოდ €222 მილიონი გადაუხადა.
