ბარსელონამ მესის €39 მილიონი უნდა გადაუხადოს

მიუხედავად იმისა, რომ ლა ლიგამ ლეო მესის ახალი კონტრაქტი არ დაარეგისტრირა და არგენტინელი სუპერვარსკვლავი იძულებული გახდა "ბარსელონა" დაეტოვებინა, კატალონიურ გრანდს არგენტინელი სუპერვარსკვლავის კოლოსალური თანხა მართებს. "ბარსელონაში" ლეო მესის ეპოქა ოფიციალურად დასრულდა - პლანეტის ერთ-ერთმა ყველაზე გამორჩეულმა ვარსკვლავმა "პარი სენ-ჟერმენთან" 2-წლიან კონტრაქტს მოაწერა ხელი, რომელიც შესაძლოა 1-წლით კიდევ გახანგრძლივდეს. "ბლაუგრანასთან" არსებული მრავალწლიანი ურთიერთობის დასრულების მიუხედავად, "ბარსელონა" ვალდებულია მესის €39 მილიონი გადაუხადოს. El Mundo-ს ჟურნალისტის კოლინ მილარსის მტკიცებით, "ბარსელონასთან" არსებული უკანასკნელი კონტრაქტის თანახმად, მესის კატალონიური გრანდის ერთგულებისთვის ბონუსის სახით €72 მილიონი უნდა მიეღო.

Barcelona have to pay Lionel Messi a 'loyalty bonus' of €39million, even though he has left the club. That is according to El Mundo - who released the full details of Messi's contract at the Camp Nou (from January -https://t.co/ytNLoj6qdR) — Colin Millar (@Millar_Colin) August 11, 2021