ბენზემა: "მესი ბარსელონასთვის ყველაფერს აკეთებს"

"ჩემთვის, ელ კლასიკო მსოფლიოში საუკეთესო თამაშია და დარწმუნებული ვარ, რომ მხოლოდ მე არ ვარ, ვინც ასე ფიქრობს - ეს არის ორი უდიდესი ისტორიის მქონე კლუბის დაპირისპირება, რომელთა შეხვედრაც ყოველთვის დიდ ინტერესს იწვევს"  "ჩემპიონთა ლიგაზე დამაჯერებელი გამარჯვების შემდეგ, ჩვენს გუნდს კიდევ უფრო დიდი მოტივაცია აქვს. უნდა აღვნიშნო, რომ "ბარსელონასთან" შეხვედრას აღვიქვამთ, როგორც საფინალო დაპირისპირებას და მაქსიმალურად ვეცდებით, რომ სასურველი შედეგით დავასრულოთ", - აცხადებს ბენზემა.

"შეხვედრა ძალიან რთული იქნება იმ მხრივ, რომ ვეთამაშებით გუნდს, რომელსაც ძალიან უყვარს ბურთის კონტროლი, რაც ჩვენთვისაც ერთ-ერთი მთავარი მახასიათებელი თვისებაა. ასევე დაძაბული ვითარებაა ცხრილში და დარწმუნებით მინდა ვთქვა, რომ რეალი ყველაფერს გაიღებს მოსაგებად"  "კატალონიურ გრანდს ჰყავს ძალიან კარგი მეკარე და რაც მთავარია ჰყავთ მესი - მოთამაშე, რომელიც ბარსელონასათვის ყვეალაფერს აკეთებს, ძალიან ფრთხილად უნდა ვიყოთ, ვინაიდან ის ერთ-ერთი ყველაზე საშიში ფიგურაა" "გავიტან თუ არა გოლს, ეს პრიორიტეტული არ არის - ცხადია, მინდა რომ გოლი გავიტანო, თუმცა მთავარი გუნდის მიერ დაფიქსირებული შედეგია", - ამ სიტყვებით დაასრულა ბენზემამ ჟურნალისტებთან საუბარი.