ბენზემას სასამართლოში ელიან - საქმე კვლავ ვალბუენას დაშანტაჟებას ეხება
3 წლის წინ
ფეხბურთი
2 წთ
"ბენზემა ჩემთან მოვიდა და მითხრა, რომ მის მეგობარს ჩემი პირადი ცხოვრების ამსახველი ვიდეოკადრები ჰქონდა. მასალების განადგურებისთვის კი, ფულის გადახდას მთხოვდნენ. ის ისე მელაპარაკებოდა, თითქოს ჩემი დახმარება სურდა, მაგრამ მეუბნებოდა, რომ საშიშ კრიმინალებთან მქონდა საქმე, ამიტომ ფული სასწრაფოდ უნდა გადამეხადა", - განაცხადა ვალბუენამ.თავის მხრივ, ბენზემას მომხდარი ფაქტი აღიარებული აქვს, თუმცა აღნიშნა, რომ მას მხოლოდ ვალბუენას დახმარება სურდა.
მომხდარი ფაქტის გამო, კარიმ ბენზემა საფრანგეთის ეროვნული ნაკრებიდან 2015 წლის ნოემბერში მოკვეთეს - მას შემდეგ, ფრანგს "მამლების" შემადგენლობაში აღარ უთამაშია, თუმცა ისიც აღსანიშნავია, რომ ამ დროისთვის, მას უკვე 81 მატჩში ჰქონდა მონაწილეობა მიღებული და სკანდალის არარსებობის შემთხვევაში, დიდი ალბათობით, საფრანგეთის ყველა დროის რეკორდსმენი გახდებოდა - "მამლების" მაისურით ყველაზე მეტი მატჩი ლილიან ტურამს აქვს ჩატარებული (142).