სერხიო ბუსკეტსის განცხადებით, "ბარსელონას" ფეხბურთელებს მესის გენიალური თამაში აღარ აკვირვებთ - აღნიშნული განცხადება "ბარსელონას" საყრდენმა ნახევარმცველმა "ესპანიოლთან" მოგებული თამაშის (2:0) შემდეგ გააკეთა.
მესიმ აღნიშნულ მატჩში მორიგი დუბლი გაიფორმა - ერთი გოლი არგენტინელმა საჯარიმო დარტყმით, მეორე კი მალკომის ზუსტი გადაცემის შედეგად გაიტანა.
"მესი ჩვენთვის უმნიშვნელოვანესი ფეხბურთელია. როდესაც მესი მოედანზეა, "ბარსელონა" მეტოქეზე ყოველთვის 1 ნაბიჯით წინ იმყოფება. მისი მოქმედება გულშემატკივრისთვის შეიძლება საოცარი იყოს, მაგრამ ჩვენ ამას უკვე მივეჩვიეთ," აღნიშნა ბუსკეტსმა.
"ბარსელონა" ლა ლიგაში პირველ პოზიციას იკავებს და უახლოეს მდევარს, "ატლეტიკოს," 13 ქულით უსწრებს.