დღეს მონაკოში ჩემპიონთა ლიგის 2019/20 წლების სეზონის ჯგუფური ეტაპის კენჭისყრა ჩატარდა და რვავე ჯგუფი დაკომპლექტდა.
შეგახსენებთ, რომ ჯგუფურ სტადიაზე 26 გუნდი პირდაპირ მოხვდა, დანარჩენი 6 მონაწილე კი საკვალიფიკაციო ეტაპის შედეგად გამოვლინდა.
ტურნირის ჯგუფური ეტაპი 11 დეკემბრამდე გაგრძელდება, პირველი ტურის მატჩები კი 17 და 18 სექტემბერს გაიმართება.
ჩემპიონთა ლიგის 2019/20 წლების სეზონის ფინალი სტამბოლში, ათათურქის ოლიმპიურ სტადიონზე გაიმართება.