ინგლისის პრემიერლიგის 35-ე ტური "მანჩესტერ იუნაიტედისა" და "საუთჰემპტონის" მატჩით (2:2) დასრულდა.
აღნიშნული დაპირისპირება "წითელი ეშმაკების" მეკარე დავიდ დე ხეასათვის კლუბის მაისურით მე-400 აღმოჩნდა.
29 წლის გოლკიპერმა ინგლისურ გრანდში 411 გოლი გაუშვა, 141 შემთხვევაში კი კარი მშრალად შეინახა.
აღსანიშნავია ისიც, რომ წინა ტურში, "ასტონ ვილასთან" შეხვედრაში (3:0), დე ხეამ პიტერ შმეიხეილს გადაასწრო და კლუბის ისტორიაში უცხოელ ფეხბურთელებს შორის ყველაზე მეტი მატჩის ჩამტარებელი გახდა.
დე ხეა"მანჩესტერში" 2011 წლის 1 ივლისს 25 მილიონ ევროდ გადაბარგდა და ამ პერიოდში პრემიერლიგის, ინგლისის ასოციაციისა და ლიგის თასის, ევროპის ლიგის და სამჯერ სუპერთასის გამარჯვებული გახდა.