გერმანიის ნაკრების ყველა დროის ერთ-ერთი ყველაზე შედეგიანი შემტევი - მიროსლავ კლოზე "ბაიერნის" ასაკობრივი გუნდის მთავარი მწვრთნელია. ლეგენდარული გერმანელი თავდამსხმელი, 2018 წლიდან "ბაიერნის" 17-წლამდელთა გუნდს წვრთნის და იმედოვნებს, რომ ერთ დღეს "რეკორდმაისტერის" ძირითადი გუნდის მთავარი მწვრთნელი გახდება.
კლოზეს სამომავლო გეგმებს მისი ყოფილი თანაგუნდელი, მარტინ დემიკელისი გამოეხმაურა, რომელიც "ბაიერნის" 19-წლამდელთა გუნდის მწვრთნელია. დემიკელისმა აღნიშნა, რომ კლოზეს ყველა ის თვისება აქვს, რის შედეგადაც შეიძლება რომ დიდებული მენეჯერი გახდეს.
"კლოზეს დიდი ხანია ვიცნობ და ერთმანეთთან კარგი ურთიერთობა გვაქვს. თანაგუნდელები ვიყავით - ახლა კი "ბაიერნის" ასაკობრივ გუნდებს ვწვრთნით. ზოგჯერ განსხვავებული აზრები გვაქვს, მაგრამ ეს ბუნებრივია.
ის თავდამსხმელი იყო, მე - მცველი. ის გერმანელია, მე - არგენტინელი. ერთმანეთისგან ბევრს ვსწავლობთ. მირო კარგი და ჭკვიანი ადამიანია, რომელიც ერთ დღეს დიდებული მენეჯერი გახდება.
.32.webp)
